منه هاشم لموقع أوراق عربية …. إضحك – قصائد عامية

منه هاشم لـ موقع أوراق عربية …. إضحك – قصائد عامية

كشر اضحك مش فارقة
هي الدنيا ف عمرك سارقة
لو هتكشر ايه راح تكسب
غير يوم ضايع منك أنت

جرب تضحك شوف الدنيا
راح تضحكلك هي ف ثانية
لما تكون مبسوط هتلاقي
الدنيا  بتنادي عليكــ

إنما لو هتفكر فيها
و تعيش عمرك تبكي عليها
هي هتفضل تهرب منك
ولا عمرك راح توصل ليها

طول عمرها بتنادي بايعها
و اللي بيضحك و اللي ناسيها
لو زعلان على حاجة و ضاعت
اضحك قبل ما غيرها يضيع

لو ندمان على غلطة ف عمرك
اضحك قبل ما عمرك يخلص
يومها هتسأل نفسك ليه
ليه ضيعته و تبكي عليه

و هتندم على كل حياتك
لو راحت منك ببلاش

 ف إضحك يلا متستناش

لمزيد من  كتابات منه هاشم  /  موقع أوراق عربية – قصائد عامية  

 لمتابعة أوراق عربية علي فيسبوك