منتدي أوراق عربيةمنتدي شعر العامية
عادل أبو نسله … فاكرة / موقع أوراق عربية – قصائد عامية
عادل أبو نسله … فاكرة / موقع أوراق عربية – قصائد عامية
يوم ما العيون إشتبكوا
كانت السهام طايرة
وكانت الرموش حايرة
وفوانيس عيونك نايرة
والقلب رمى شبكه
الطُعم كان نظرة
خلت قليبى قاد
وتفيد بإيه الحسرة
بعد القليب ما إتصاد
يا أم القليب صياد
إيه الدوا لنارك
إلى بتحرقنى
يا تداوى بلقاكى
يا تحوشى سنارك
إلى مشكشكنى
صيدانى من ياما
ورميانى فى القوفة
بصرخ فى دنيا الملامة
يا خلق غيتوونى
ولا فيش ميزان ولا كفة
منك يحلووونى
ياك ناوية تشوينى
على جمر أشواقك
وتفصفصى قليبى
وترمينى جوا فراقك
وتمصمصى الشفة
ده والله فى عذابك
لو تنطق القوفة
هتقولك الرحمة
سيبى الجدع عايم
ده لا قد نظرة منك
ولا قد أشواقك
ملعون أبو عقابك
للى يبصلك
كل العيون منك
من سحرك إرتبكوا
ملعون أبوه ده اليوم
يوم ما العيون إشتبكوا
لمتابعة المزيد من كتابات عادل أبو نسله / موقع أوراق عربية ، قصائد عامية
متابعينا علي فيسبوك
اضغط لتقييم المقال
نشكرك للتقييم ، رأيك يهمنا 🙂
جميل جدا استمر ❤????
????????????????????
ايه الجمال ده
وتفيد بايه الحسرة بعد القليب ما اتصاد
حاجة عظيمة بجد يا ابو نسلة بالتوفيق
عظمة يا عادل