اقرا تاريخك .. و بالزمان ارجع ورا
ده ان كنت ناوى تتعظ م اللي جرى
واسأل للحظة .. مين ظالم ومين اتظلم
و مين له مصالح ف الحكاية يا ترى
و مين اتخان و مين اتهان و مين اتباع
و مين فاسد و مين ع الخلق داس و افترى
و مين عايشها بحسن نية و محترم
و مين كان راسمها بالقلم و المسطرة
تلقى ان كله سيناريو واحد بتنسخ
و كل الصور ف الأصل واحدة مكررة
فتفهم ف ثانية إن الزمن بيدور و بس
اما النتيجة فهي هي المسخرة !
لمحمد البيومي – خاص لأوراق عربية
متابعينا علي فيسبوك
اضغط لتقييم المقال
نشكرك للتقييم ، رأيك يهمنا 🙂
