منتدي أوراق عربيةمنتدي شعر العامية
اللي عاش للحب مات …..مصطفي جمعه الشيشي لموقع أوراق عربية – قصائد عامية
اللي عاش للحب مات …..مصطفي جمعه الشيشي / موقع أوراق عربية ، قصائد عامية
اللي عاش للحب مات
واللي مات في حب وحده
عاش بوجع الذكريات
واللي كانت كل حاجه
اصبحت ماضي وفات
واللي كانت مستحيله
اصبحت كل الحاجات
ف الطبيعي ان اللي باعت
ضيفه مش ممكن تبات
كلمه الحب الحقيقي
حلوه في كل اللغات
ليه تضيع بس عمرك
او تفكر ف اللي سابت
هي لو مستاهله حبك
قولي باعت ليه وغابت
الفراق مكتوب وواجب
واللقا مقسوم وثابت
قد يكون حبك في كلمه
او يكون بنظره صابت
او يكون في بنت حلوه
كافره بالحب وكلامه
ثم شافتك صدفه تابت
صاحبتك اياها فاكر
لما قولتلها سابتني
واني مش هقدر اكمل
حتي مش هقدر اذاكر
لما سألوها ف لعبه
والسؤال كان عنك انت
وشها احمر فجأه
ثم سرحت ثم غابت
قلبها من جوه دق
ثم ب “بحبه” اجابت
لمتابعة المزيد من كتابات مصطفي جمعه الشيشي / موقع أوراق عربية ، قصائد عامية
متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
