حكاية حب ….. منه هاشم – لأوراق عربية
ف يوم من ذات الايام
راح بيجري ع الجنينة
يستخبى م الآلام
شاف عينيها وشاف دلالها
حبها من غير كلام
قال يروح ويقولها
ولا يستنى يمكن وقتها يتوه الكلام
………………………
تاني يوم راح بيجري ع الجنينة
قال ضروري هشوفها تاني
وهقولها من غير ما يتوه الكلام
هو فعلا شافها تاني
شافها جاية با ابتسامة
وقتها قلبه تاه بين ألف معنى
بس جت عليه وقالتله
ايوة ليك الابتسامة
يوم ما شوفتك قلبي قالي
ان ليك جواه علامة
هو قالي انه حبك حتى من قبل السلام
قولت اشوفك قولت اقولك واسألك ايه الحكاية
رد هو وقالها الحكاية ان قلبي بيقولي نفس الكلام
واني كنت هجري عليكي اقولك ان حبك ف الوريد
وان قلبي حب قلبك لما شافك من سكات
………………………..
عدت ليالي وفاتت سنين
وحبهم زي الحكاوي تحكي عنه بالسنين
وع المعاد يتقابلوا دايما ف نفس الجنينة كل يوم
هي تقوله بحبك انا يرد يقول بدوب فيكي دوب
…………………………….
و ف يوم من ذات الايام
وف نفس الجنينة ونفس المعاد
جت وف عينيها الدموع كأنها ودعت الابتسامة
اصل روحه مالية المكان
برغم جسمه اللي اتقتل على ايد كلاب وهو ف قلب الميدان
جت تقوله وحشتني ف المكان اللي ضم قصة حبهم
وتقوله معقولة ترضى تتقتل على ايد كلاب
وتسيبني اعيش وحدي من غير امان
بس وحياة حبك ف قلبي
دمك انت ف رقبتي دين
مش هتهنى لو للحظة الا اما اوفي الدين
رد هو برغم موته وقالها
انا لسة حي طول ما حبي جوة قلبك
وطول ما لسة الهتاف مالي الميدان
