خواطرمنتدي أوراق عربيةمنتدي شعر العامية

هند محسن لموقع أوراق عربية … ما بعد غربة بـعين – قصائد عامية

هند محسن لـ موقع أوراق عربية … ما بعد غربة بـعين – قصائد عامية

مش ملفتة
والغربة من بعد التعري إزاي تكون؟!
..
صاحبي اللي شاف الشمس فـ بلادنا الغريبة
أصدق كتير من طلعة البترول
وشاف فـ لمة مفيهاش جنيه تنفع شبع
عن سفرة جاهزة من اللحوم
ونصاص بيوت تنفع دفا / تنفع صحاب / وتضم أهل
علي سادة من ماء الدهب مالية القصور
علي حاجة بايرة مش بيور بتشع عتمة ع الطريق
وإيديه بتنده ع المطار

بتقول يارب :
مش إضطرار ولا إني واخدة ع الهروب
أنا بس خوفت من الخطر فجريت وراه قام شدني وحلمت بيه.
والتوهة مش ملجأ أكيد لكن محاولة وخضتها
ومشيت اضفر عرضها واطلع سلالم وانزل غريب
واضحك وأنا أقربلي شكلاً م الغنا وقت الغيوم
وعشايا زي غدايا نوم. مش قلة لا… بس مش لاقي المشاركة
مش لاقي شئ ينفع وطن
وأجرى فـ شوارعه تقوم خناقة واترد خايف ع الوطن
وده حضن أمي مش مجاز
مش لاقي شيء ينفع إزاز
تلمع ستايره وتنطفي وتكونلي ساتر م الوجع بعد النهار
علي كل حالة وكل لون
عرى الهوا

شحتفتي بعد الانصياع..
تأمر تطاع بلسان مجامل
و مالهوش فيك ولا حتي شبر
إنكار عنيا لشكل جلدي بعد غربة ما شوفتني
إنكار لذاتي فـ الأسى
غممان مشاكلي وساعتي واقفة ع الحدود بتخضني
وأبويا واقف بس حضنه فـ بدلتي ومشينا بيه
أوف الحطام مالهوش يبالغ فـ الحجج لو كت حجج
والمجازفة مش فـ التأقلم
المجازفة.
إزاي تبل عينيك مشوار رجوع؟! ودي حاجة أصعب م الحكاية كلها..!

 للمزيد من الأعمال  علي موقع أوراق عربية  / قصائد عامية 

 لمتابعتنا موقع أوراق عربية علي فيسبوك 

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق