منه هاشم تكتب …. ” عنها ” – خاص لأوراق عربية
عن البنت اللي حلمت يوم
تعيش العيشة مرتاحة
تمشي ف شوارع هادية
من غير معاكسة وأباحة
تلاقي الحب لو مرة
ينده ليها على غفلة
وتيجي ترد م الفرحة
تلاقي كلامها راح تايه
ويكمل حبها من غير
حجج باطلة وظروف بايخة
وحتى لو اتكتبله نهاية
ميبقاش الأسى نهايته
عن البنت اللي حلمت يوم
تسافر برة تتعلم
قالولها لا تسافري ده ايه
بلاش تخاريف بنات سايبة
عن البنت اللي رفضت
تبقى يوم من الأعداد
وحلمت تخرج م الحظيرة
مكانها مش عيشة ف سرداب
قالولها أكيد دماغك طار
وعايزة يعيدوا تربيتك
عن البنت اللي كل ما تحلم
يقولوا سابت
وعايزة حد يشكمها
عن البنت اللي سألت ليه
قالولها انتي شرقية
متابعينا علي فيسبوك
اضغط لتقييم المقال
نشكرك للتقييم ، رأيك يهمنا 🙂
