أنـا لسا فـاكر ……. أحمد زهران – خاص لأوراق عربية

أنـا لسا فـاكر زمـان
وأيــام الإعــداديـة ..
فــاكر بيتنا والمكان
اللى ياما لعبنا فية للفجرية ..
كُـنت بحس أنا بالأمان
ويـا كُل الصُحبه ديه ..
كُنت أصحى كل يوم فى الصبحية ..
و قوام قوام أجرى ع المدرسة ..
أنا لسا فاكر بنت جارتنا المُدرسة ..
فاكر قد إيه كـُـنت بــحبـها ..
و قـد إيه كُنت بسرح فى وصفها ..
أيوا فاكر يوم ما صارحتها ..
قـد إيه أنا كنت تايه فى حُبها ..
أنا لسا فاكر آخر قعده مع جدتى ..
ولما كُانت تملى تفرح بضحكتى ..
ولسا فاكر يوم وداعـها ودمعتى ..
لما لقتــنى بـعـد هــا
مملوكــش غير وحـدتى ..
أنا لسا فاكر كُل حد فى شِلـتى ..
والكورة ويا الشورط وفـانـلتى ..
دلوقت تاهت كل أحــلامى
وضاعت ضــحكتى ..
طب همــا فين !!
طب راحوا فين !!
وراحت فين ضحكتى ..
لـ أحمد زهران