بقيتى قاتلة للهُواة….حامد بدر / المركز الثاني – مسابقة أوراق عربية

“بقيتى قاتلة للهُواة”
ليه كدة يا مصر؟
وكنتِ نهاية الظلَّام وكنتِ مقبرة للغزاة
وبعد ما كنت نهاية الطغاة..
بقيتى قاتلة للهُواة.
يعيش فيكى الفقير جائع
ولما يثور يكون صايع
يعيش ميت يموت ضايع
وتبقى قاتلة للهُواة
بأغنى ليكى يا حبيبتى
كلام مصرى أنا وأنتِ
ولما حميت أرضك سبتي
دمايا شرب للعُصاة.
وتبقى قاتلة للهُواة..
يسيب ارضه وأوطانه
يضحى بنفسه وكيانه
عشان ترضى بأحزانه
تسيبى إبنك واوجاعه
يمزَّق البرد عُراه
وتبقى قاتلة للهواة..
وقاسية..
وقاسية عليا وعلى ناسى
ويصبح السم أنا كاسى
وأشرب ..وأشرب لآخر أنفاسى
وأبقى مُسخة للدُلاة..
وتبقى قاتلة للهواة.
أبوس أرضك أبوس طينك
أصون عرضك وأغنيلك
تقومى راحلة بأقاويلك
وتشكى عليا للطغاة
أقوم جايلك وأقول آه
وأدعى ربي فى سماه
أقول إحميها يا الله
وحنن قلبها علينا
ولا تُبقى قاتلة للهواة
.. قاتلة للهواة..
كتبتها بعد موت محمد حسين بهنس متجمدًا فى مصر