وجع الليل ……… عبد الرحمن قاسم – خاص لأوراق عربية

الليل مالوا كده طايل
وسكونوا ليه دباح
هو ده الليل اللى كان يجى وشايل
غناء وأفراح
غريب الليل بعدك
وقاسى أوى فى بعدك
ياموا صوت عذب …وراح
وقلب حنون وحضن براح
ليلى أسود مش طالعله صباح
وأقولها متنامى ياجفونى
ترد وانام أزاى والدموع سكنونى
وصوتها بيرن فى ودانى
وهى بتقطع فى الكلام من كتر بكاها
وبتقولى أنت أنانى
وأشوف قدامى صورتها
وهى قدام المرايا بتلف طرحتها
يتوه الزمن منها قدام المرايا
وتفتكر كل تفصيل الحكايه
وعلى خدها تنزل دمعتها
تفوق على دبيبس الطرحه اللى شكتها
وتتلخفن 100 مره ف لف الطرحه
وتتاخر على المحاضره
وتتعصب وتقول والله ما أنا رايحه
لم حد يسئاله مش كنتى نازله
تقول تعبانه ومش قادره
وصراخ قلبه كسر ضلوعها من الوجع
ضلع ضلع
وتبق زاى مركب هب ريح
خد من فوقيها القلع
تايها تحدفها موجه وتلقفها موجه
فى بحر الدمع
أزاى تنامى جفونى
وازى يفوت الليل
والصوره ديه فى عيونى