منه هاشم لـ موقع أوراق عربية ….. بكتبلك – قصائد عامية
و بكتبلك عشان قلبي
تمالي يقول وحشتيني
و حالك لو يكون حالي
هتعذري قلبي و تجيلي
و بكتبلك و ليلي يطول
ف بعدك ليلة ورا ليلة
و قلبي للقا ملهوف
و عامل ألف هوليلة
و بكتبلك و روحي تئن
تقول بكرة أكيد هتحن
تمسح من عيوني الدمع
بإيد ناعمة و زي الورد
و بكتبلك و قلبي جريح
من الغيبة و م التحريح
و من لوم العذول فيا
و م اللهفة بقول امتى
هتيجي عشان يزول الهم
نقول لعذولنا احنا لبعض
و جه يومنا و صدق القلب
لمزيد من كتابات منه هاشم / موقع أوراق عربية قصائد عامية
لمتابعة أوراق عربية علي فيسبوك
متابعينا علي فيسبوك
اضغط لتقييم المقال
نشكرك للتقييم ، رأيك يهمنا 🙂
