لما الشتا يدق البيبان … منه هاشم – أوراق عربية
لما الشتا يدق البيبان
تبقى قاعد جوة بيتك
قافل الشيش والازاز
لابس الروب فوق هدومك
لاجل ما تدفى طبعا
وعشان ضروري تدفي رجلك
لابس البوت القماش
ماسك الشاي المتين ولا فنجان قهوتك
حاحة بتدفي الايدين
ثم تدخل ع السرير
مستغطي باللحاف يدخل النوم و ف سلام
لاجل هذا كله طبعا
عايش تقول محلا أيام الشتا
تحت بيتك برده واحد
نام ف أحضان الهوا
كل ليلة البرد يقرص
حتة من جسمه النحيل
عاش بدون ازاز وشيش
يتقفل بالليل عليه
كان يستغطى بالسما
ويشرب المر بايديه
اتمنى كل ايامه صيف
مش حب ف الحر انما
كره ف البرد الشديد
اللي دايما قرصه ف الليل كان يزيد
لمزيد من كتابات منه هاشم / أوراق عربية
لمتابعة أوراق عربية علي فيسبوك
متابعينا علي فيسبوك
اضغط لتقييم المقال
نشكرك للتقييم ، رأيك يهمنا 🙂
