منتدي أوراق عربيةمواهب علي الطريق
مفيش ….. محمد البيومي – خاص لأوراق عربية
ليه يابن آدم كدة بِتساير الأيام ..
و بتِمَشّي حالك ف الدنيا بالتطنيش ..
ضيّعت عمرك تِسعى ورا أوهام ..
ماشي ف طريق مسدود .. مليان نقط تفتيش ..
إزاي بترضى تكون كومبارس ف الأفلام ..
و انت مقامك نجم .. إسمك فِ كل أفيش ..
و رضيت بِدورك كدة و تقول هتبقى تمام ..
و تقول نصيب مقسوم .. و قِبَلت بالتَهميش ..
شارب كاسات الذل و رضيت تكون خَدّام ..
و دُنياك بخيلة عليك .. حتى فِ البقشيش ..
بطّل تبُص لِورا قوم و إجري على قُدّام ..
الماضي إيه ينفعك .. غير فِ الندم هتعيش ..
كل الحقايق ف الأصل كَت أحلام ..
إذا كنت تِنفع لِوا .. ليه راضي تبقى شاويش ..
أما إن فِضِلت ضعيف و رضيت بأي كلام ..
هتعيش كما الأموات .. و كل الطرق هَتوصّلَك لِـ مفيش ..
متابعينا علي فيسبوك
اضغط لتقييم المقال
نشكرك للتقييم ، رأيك يهمنا 🙂
