منتدي أوراق عربيةمنتدي شعر العامية
منه هاشم لموقع أوراق عربية ….. دعوات – قصيدة عامية
منه هاشم لـ موقع أوراق عربية ….. دعوات – قصيدة عامية
يكفيكوا شر الذكريات
و التوهة و القلب اللي مات
و وجع ترويه آهات
و ضحكة دبلت من سكات
و دمع عايش بالسنين
طول حياته معاك أمين
و ملازمتك صوت الأنين
و روح مدوبها الحنين
يكفيكوا شر عياط ساعات
على ليالي زمانها فات
راحت و مش ممكن تعود
يكفيكوا شر
الوحدة ف اللمة
و الكدب ف الزفة
و زيف انكشف على غفلة
و كسرة قلب م اللهفة
ويكفيكوا شر الحياة فعلا
لما تاخد فرحتك عافية
لمزيد من كتابات منه هاشم / أوراق عربية قصيدة عامية
لمتابعة أوراق عربية علي فيسبوك
متابعينا علي فيسبوك
اضغط لتقييم المقال
نشكرك للتقييم ، رأيك يهمنا 🙂
حلوة اوي❤️
ربنا يخليك يا سمسم ❤️❤️❤️
حلوه اوووي ????????????
شابوووه بجد.حبيبتي ❤️❤️
حبيبتي يا يويو ????????????????