عن انسان
بتشوفه تايه ساعات
ف طريقك كل يوم
تدور وشك وتمشي
أو ترمي عليه باللوم
أحيانا يصعب عليك
لكن
ولا مرة حسيت بيه
ولا حتى حسيت ألمه
لاجربت تعيش حياته
ولا فكرت تحسن ظرفه
لو يوم فكرت بعقلك
هتلاقي
رغم الفقر ، الجوع والجهل
انت العاجز جنب صموده
هو بيسعى طول الوقت
لاجل مايحصل على قوت يومه
وبيصرف على عيلة ساعات
أما انت فقاعد على مكتب
أو يمكن مستني المصروف
هو ف عز الحزن بيضحك
ورغم ظروفه عنده أمل
ان حياته تبقى حياة
أما انت فدايما حزنك
لحاجات جنب ظروفه
تكون تفاهات
وبعد ده كله بتقول انه
طفل شوارع
مين قالك أصلا
ان ده طفل
الطفل بيلعب وبيجري
وهو حياته ماعرفت لعب
قبل ما تغلط وتقول طفل
وتكمل وتقول شارع
خدها كلمة
انت الطفل ولولا طفولتك
كان لقى بيت بدل الشارع
متابعينا علي فيسبوك
اضغط لتقييم المقال
نشكرك للتقييم ، رأيك يهمنا 🙂
