هقولكم أيه العباره
بس أنتوا سيبكم من الشعارات
والكلام على أنها بلد التاريخ والحضاره
والعلوم والادب
والهندسه وفنون العماره
والعدل والمنصب لصاحب الجداره
كل ديه حجات ماتت
وعندى ليكوا الف أشاره وأشاره
أهلا بكم فى بلد الحشيش والسيجاره
الفهلوه والشطاره
وشاشات بتذيع الدعاره
وعيال بتموت بتكمل سلسال الدم
اللى سبقهم فى العباره
بيتولدوا العيال مرسوم فى كفوفهم موت بالهم
وقانون الدوله الرسمى
معاك فلوس أشرب أو حتى أسكر
لو فقير أو جعان مد أيدك
هتلاقى أكلك فى الزباله
وهو ده رزقق هتعترض على المولا عز وتعلاه
وأهم حاجه ف كل حاجه أوعاك تفكر
هذه دوله يحكمها العسكر
دولة طلمستان
دولة طلمستان
شعب عظيم
شعب عبيط
شعب كريم
شعب موافق
شعب منافق
شعب مهيأ كى يحكمه الطغيان
عسكر كان أو أخوان
شعب ينادى بالحريه ولازل يعبد الاوثان
هذا شعب دولت ظلمستان أم الحاكم دولة ظلمستان
حاكمها ليس برجل ولا إمرأه
ولا يملك عقلا كالانسان
شحات يسمع ويطيع ويردد خلف سيده كالبغبغان
حكمها قاتل حكمها لص
وده اللى جرى وده اللى كان
فى دولة ظلمستان
