يوميات صيدلية….بقلم علا خليفة ـــ خاص لأوراق عربية
الحلقة الأولى …. أخطاء شائعة
بعض الخرافات الطبية اصبحت رواسخ في العقول على انها حقائق علميه اول الخرافات او الاخطاء (المضاد الحيوي ونزلة البرد) انا سخن ( قرصين مضاد حيوي وهتبقى زي الفل)… عندي برد ( مضاد حيوي حبة 3 مرات وهتبقى عال) احيانا بعتقد اني حتى لو قلت عندي صداع هيقولولي خدي مضاد حيوي نتفق اتفاق … المضاد الحيوي يعني قاتل البكتيريا …. يعني بيقتل البكتيريا البكتيريا فقط فقط … اتفقنا اذن اعزائي يا من حضرتم حصة العلوم في 3 ابتدائي … الانفلونزا بكتيريا ام فيرس ؟؟؟ لكل من اتاه الجواب في عقله وتذكر ابلة حسنات وهي تقول فيروس الانفلونزا متبوع بعطسة عملاقة من انفها العملاق قالت ايه؟؟؟ قالت ((فيروس )) الانفلونزا فيروس …هل قالت بكتيريا الانفلونزا ؟؟ نقتل الفيروس بقاتل للبكتريا ؟؟؟!!!!!!!! طبعا ستنهال على راسي الويلات ( بس انا اما بروح للدكتور بيعطيني مضاد حيوي والصيدليه كمان.. انت هتضحكي علينا ) اولا طبيا الانفلونزا والبرد شيئين مختلفين ( اه انا كمان كنت مفكره ان برد يعني انفلونزا بالانجليزي) واعراضهم متشابهه بشكل كبير رشح _ كحة_ حلق محتقن طبعا منتظرين اقول ان البرد بكتيريا والانفلونزا فيرس …. لا عادي الاتنين فيرس ثانيا عالميا يستخدم في علاجهم … لا شي نتحكم في الاعراض فقط بمعنى : فيه سخونيه نعطي خافض حرارة فيه كحة دوا كحة غالبا مرضى البرد والانفلونزا في العالم ما عدا المحروسة يوصفلهم مشرووبات دافئه وراحة في بعض الحالات البرد يكون متبوع باصابة بكتيريه ثانوية … يعني ايه ؟ يعني الحلق يتحول من محتقن لملتهب الاذن تلتهب … الجيوب الانفيه تلتهب فبنحتاج لمضاد حيوي اذن فالدكتور بيعطيني مضاد حيوي على اعتبار ما سيكون او لان بالفعل حصل التهاب او لانه (نجيبة) واتخرج لقاهم بيعطوا مضاد في البرد فاعطى مضاد بغض النظر عن انه بيضعف المناعة وبيهلك الكبد هو بيعطي اللي اتعود يعطيه ايا كان السبب هي اصبحت ثقافة عامة والمريض نفسه بيرفض يخرج من عند الدكتور بدون مضاد حيوي (ده غير ثقافة اكتبلي كذا لاني ارتحت عليه او هاخذ المضاد الفلاني لانه بيريحني ده فيلم تاني لوحده) في الطب فيه حاجة اسمها (بلاسيبو) العلاج بالايحاء وهو في الواقع فعال جدا بيستخدمه كل اطباء العالم حتى انهم في اوروبا والدول المتقدمة صنعوا حبوب خاليه من اي مادة دوائية يستخدمها الطبيب في هذا النوع من العلاج ولكن بم اننا في المحروسة فالبلاسيبو عندنا هو المضاد الحيوي اه وعلى فكرة نزلة البرد مهما حاولت هي ليها مدة معينه بتختلف من شخص للتاني مبتنتهيش قبلها الخلاصة عندك برد … ينسون ونعناع وسرير الحرارة زادت بروفين … كحة صعبه اسال دكتور (من ضمن الاخطاء الشائعة عندي دوا كحة هاخده ) اقولك كونجيستال 3 مرات المهم نغير ثقافة المضاد هو الحل لانه فعلا ضار اكثر منه نافع لكل المشككين جوجل واكتب common cold and influenza و ادخل اي موقع واقرا treatment غالبا هتلاقيه بادئ بالجملة دي antibiotics.. Not recommended, not used, not useful
