المتسابقة :هبة عادل
حصلت القصيدة علي المركز الثاني بتصويت القراء والمركز السادس بتقييم لجنة التحكيم
بنت بلادي
————————-
أنا زهرة بنفسج شاردة
ومن حزنها تايهة
ببكى عليك يا وطن مجروح
بس خايفة من كتر النوح
يجف الدمع و يبقى القلب بور
و حضن الوطن مدبوح
أنا مش غريبة عنك يا بــــــلادى
أنا بنتك و حلمك و أمل عليكى بينادى
أنا فرحتك بتوبك الأبيض
و أنا حزنك لما تلبسى أســـــود
و أنا صرخة مكتومة فى قلب الكل
أنا وردة تتفرش على أرضك
و أنا دمعة بتجرى على خدك
و أنا غنوة تتباهى بأسمك
وشمعة تضوى فى ليلك
و تنور ليكى أيامك
و فى الأخر انا منك و انا ليكى
و بسمة حلوة فى عنيكى
ألف الدنيا و أرجعلك
و برده انتى أم الدنيا يا بـــــــلادى
متابعينا علي فيسبوك
اضغط لتقييم المقال
نشكرك للتقييم ، رأيك يهمنا 🙂
