صرخة وطن … مدحت حجاج – لأوراق عربية
صرخة وطن … مدحت حجاج – لـ أوراق عربية
الشرطة مش هتتهان …
هيبة الشرطة !!!!
اهم من قيمة الانسان
عيال بتلعب ولا عاوزة تلعب
ولاتتفرج على اللي بيلعب
اقتلوهم ….
لو مخدوش
موافقة السجان !!!
هيبة الشرطة أهم من قيمة الانسان ؟
لازم يامصري عشان
تكون مصري
يبان الذل في عيونك
لو قابلك البيه
في اي مكان !!ا
لازم تكون مكسور ….
وغلبان
على كل حال
لازم
نحافظ ع النظام
احنا حكومة
وانتوا الخدام !!
هتقولوا ثورة ومصر حره
وكرامة …ومواطنه
البيه هيضرب في المليان
ونقول عليكم دواعش
و….نقول عليكم
أخوان !!
حتى وانت في نعشك هتطلع
انت اللي غلطان …
ماهو هيبة الشرطة ….اهم من قيمة الانسان ؟
واحنا عندنا اعلام ..
بيخلى الضحية …
ارهابي ….اوعميل جبان
حطين كل اللي يصقف
على الفاضي والمليان
مدام بيصقف للسلطان
امالا ايه هو ده الاعلام ؟
بيقولكم حقيقة الكلام
وسبوكم بئ من شهود العيان ؟؟؟؟؟؟؟
دول شوية رعاع وعيال
فهمتوا ولا نقول كمان
مبارك رجع وحالف
ليخليكم تترحموا على ايام زمان
لمتابعة المزيد للكاتب مدحت حجاج علي موقع أوراق عربية
لمتابعة المزيد من الأعمال بـ موقع أوراق عربية علي فيسبوك
