“أميرة قلبى” ……..لـِ أحمد زهران – خاص لأوراق عربية

أنا شايفك بنوتة جميلة ..
بـ عيون سودة وكحيلة ..
برسملك صورة فى ألبومى ..
وفى قصرى راح تبقى أميرة ..

بيطول وياكى كلامى ..
وبهمسة تنسينى آلامى ..
دا رموشك خطفونى فى ثانية ..
لـ أجمل دنيا فى عالم أحلامى ..

وأيديكى المرسومة بالحنة ..
تخطفنى من ايدى للجنة ..
وبتقــــــطف ثمرة تفـــــــاح ..
وترد الفرحة لقلبى بـ سِـنة ..

وفى قلبك أنا حاسس بـ براح ..
وبتظهر لعيـــــونى الأفراح ..
وترد الضحكة لـ أيامى ..
والـروح ويــاكى بترتــــاح ..

دا أنا كل منايا فى دنيتك ..
أشوف بنتى فـ حنيتك ..
بضافير ع الكتف سايلة ..
وعيونها تخطفنى زى حضرتك ..