وحيد إبراهيم لموقع أوراق عربية …. مايتبكيش عليها – قصيدة عامية

وحيد إبراهيم لـ موقع أوراق عربية …. مايتبكيش عليها – قصيدة عامية

مايتبكيش عليها
ولا تسوى أقول كانت ذكرى
ولا حتى تخطر لى ف فكرة
مابعترفش بيها
مايتبكيش عليها
مابقتش بستناها بكرة
ولا حتى تستاهل أكره
مبقاش شىء فيا ليها

مايتبكيش عليها
بكل لون هي تخوني
وخيبت أملى وظني
طماعة وبتاخد مني
ولا حاجة تملى عينيها

مايتبكيش عليها
ياما عملت علشانها
وشيلت خوفها وأحزانها
أديتها ومخدتش منها
لكن غرورها عاميها

مايتبكيش عليها
والجاي من بعدها احسن
هفرح انا.. هي هتحزن
مش ممكن ارجعلها أبدا
عذابها منها فيها
مايتبكيش عليها

 للمزيد من الأعمال  علي موقع أوراق عربية  / قصيدة عامية 

 لمتابعتنا موقع أوراق عربية علي فيسبوك