منتدي أوراق عربيةمنتدي شعر العامية

مصطفي جمعه الشيشي لأوراق عربية …. رسايل الإله والناس

ببعت رسايل فرح
لعزوتي وأهلي
ودموع ف عين اني
لسنين يجوز تتعاش

لابني اللي لسه مجاش
ويجوز تكون بنتي
لمراتي وحبيبتي
للرحلة وسفينتي

تاني جواب مرسل
أتمنى لو يوصل
لبشر ضميرهم مات
لحاجات يجوز تتشاف
تافهة ومتهمش

لحبيبة قطعت وعد
وقت الوفا متمش
لبنات ف أفكاري
ما شغلت أفكارهم
لبنات ف أفكارهم
ولا سكنوا إحساسي

ولجرح مش باين
ولكني مش ناسي

تالت جواب موصول
للقلب لو مهموم
ولكنه مش بيبوح
بكره نقول وننول
ونغني للذكرى
وهفكرك بكره
إن الوجع بيروح

رابع جواب ليكي
خليني ف عنيكي
وهسكنك ف القلب
وإن كان في قبلك بنات
ف التوبه بعد الذنب
هما الذنوب وأنتي
رحمه إله غافر
وأنا يعني مش كافر
أنا عاصي عاوز أتوب

خامس جواب لله
إن كنت مره بعدت
راجع إليك تاني
إمهلني وإتركني
لكن لا تنساني
بتعب وتشفيني
وأسأل وتديني
إغفرلي من ذنبي
ولنورك إهديني

 لمتابعة المزيد من كتابات مصطفي جمعه الشيشي / موقع أوراق عربية ، قصيدة عامية

 لمتابعتنا موقع أوراق عربية علي فيسبوك 

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق