منتدي أوراق عربيةمنتدي شعر العامية

هند محسن لموقع أوراق عربية …. بدون أسماء – قصيدة عامية

هند محسن لـ موقع أوراق عربية …. بدون أسماء – قصيدة عامية

يعرف يعيط م الصحاب كلهم
يقدر يغيب لو فكوا من بعضهم
تقدر تشوفه تقول :
واحد بعين الكل واتجمعوا وياه
..

في الليل
قبل الندى ما يبل صوته بخطوتين وينام
يفتح كفوفه للبشر تمشيه
ويدوب فـ صوته بعد اعتراض الهم ودخوله فـ المشهد
بعد إندهاش منه
إنه الرصاصة الحق فـ أبسط الأشياء
إنه اللزوم
فـ كتاف بتبني فـ بعضها على حِس سوق
والسوق عبث
لو فض إيده م المكان ومشينا نقص من العدد
إن المدد مش فوج كراسي والسلام بيلمنا
وده ضهر واحد مننا
شايل فـ توبه لكل صاحب ميت ونس
والحكمة منهج ربنا علشان نتوه نترد ليه بعد العدم
نكسر إزاز
نخدش أيادي
ونسيب سواد الفجر ع البريد إياه
ونسيب غناوي ع الطريق
وإن جينا نسْكرّ م الغزل
علمونا إن العسل محض قتل وفلسفوه
وإن المدينة
مالهاش غواية غير فـ شقة وكوم أبوه
وإحنا نعرق م التعب
نحرق قصيدة ونخطي فيها بعمرنا قبل القلم
صاحبي اللي فوق
علمنا مرة إن الألم لو لف بيك متلفلوش
مدِّ حضنك والحقه واتخبي منه قبل فيه
إن فيه
يا جبان فـ صُغرك قبل ضهرك شمس أهل
وإن أهلك لو مهاجر من صحابك عزوتك.
ف مشينا فكرة
والفكرة تضحك والضحكة تعلي لفوق
قام نط واحد فهلوي وقطفلنا التفاح
وكإننا ولا عزوة م الجنة على حاجة بنت الأرض
وغموز
ولقمة عيش
والصاحب الدنيا
ويمشي طفلك جوا منك جمب منه جيوش وطن!!

 للمزيد من الأعمال  علي موقع أوراق عربية  / قصيدة عامية 

 لمتابعتنا موقع أوراق عربية علي فيسبوك 

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق