منتدي أوراق عربيةمنتدي شعر العامية

عادل أبو نسله لموقع أوراق عربية ….أنا فارس على قدى – قصيدة عامية

عادل أبو نسله لـ موقع أوراق عربية ….أنا فارس على قدى – قصيدة عامية

أنا فارس على قدى
ولا بيدى

أحارب لأجلك الفرسان
وأهزمهم فى كل ميدان

وأجبلك كنز فوق ناقة
وأفتحلك فى السما طاقة

وأوريكى الهنا ألوان

أنا أسف
أنا إنسان منيش مارد

بلمسة صابعك الناعم
أقوم طالع وأقول شبيك

يؤمر سنك اللولى
أقوم طاير وأقول لبيك

وأجبلك حلمك فى يدي

أنا أسف
أنا مش جنى ولا مارد
ده أنا فارس على قدى

يدوب حصانى
يتسكع ويتلكع عبال يوصل

لباب قلبك المقفول
بقفل فولاذ غروره تروس

حكم يفتح لازم مفتاح
سنونه أحلام من الفردوس

وأنا حلتيش غير ودى

ولا بيدى
ولا قادر أعدى السور
وشايفك ملكة بنت قصور

و أنا جنبك
يدوب عصفور

وبانى عشيشى فوق الغصن
يا ست الحسن

أنا فعشقك ملينى الخوف

و فعنيكى بحور أحلام
وأنا كل الظروف ضدى

قوليلى وريحى بالى
أبوح بإلى جوايا؟

ولا آجى تصدينى؟
وترمى عشقى وهوايا

وأعود والدمع على خدى

ده أنا مش جنى ولا مارد
أنا فارس على قدى

لمتابعة المزيد من أعمال عادل أبو نسله بــ موقع أوراق عربية – قصيدة عامية 

لمتابعة المزيد من الأعمال بـ موقع  أوراق عربية علي فيسبوك 

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
الوسوم

مقالات ذات صلة

‫5 تعليقات

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق