ياريت أقدر …. عادل أبو نسله لموقع أوراق عربية – قصائد عامية
ياريت أقدر …. عادل أبو نسله لـ موقع أوراق عربية – قصائد عامية
ياريت أقدر
أدغدغ خدك الأسمر
وأضحك عينك النونو
تضيق أكتر
يزوغ ننك
وأتوه منك
وأدوب فيكى
يبان الننى فعنيكى
أحس إنك
رجعتينى من تانى
وأنسى معاكى أحزانى
و أبيع الدنيا لعنيكى
وأفوز بيكى
ومش هخسر
ياريت أقدر.. ياريت أقدر
و ياريت أقدر
أجبلك قلبى فوق كفة
وأسيبلك عمرى تسلية
وأحط عيونى فى لفة
وأقدمهملك هدية
وتبقى كل أحلامى
وحدوتة على لسانى
أطوف بيها
يجوز الحزن ينسانى
يجوز لما أحكى أحلامى
ألاقيها بتتفسر
ياريت أقدر..ياريت أقدر
وياريت أقدر
أوقف الزمن مرة
وأخطف كل حلم جميل
وأجمع بينا فى مجرة
يكون فيها نيل
وكام شجرة وكام عصفور
ونبنى عشنا فى النور
بدون زحمة وناس مارة
بدون بشرية بالمرة
أكون أول راجل موجود
وإنتى أجمل وأول بنت
أقولك تقبلى إنك
تقولى قبلت
ونملى الكون ربيع أخضر
ونبنى حضارة للإنسان
ندين فيها بدين الحب
بدون أحقاد و خوف ولا حرب
و نصلى كلنا للرب
إله واحد
ولو كان الشيطان شاطر
نكون أشطر
ياريت أقدر.. ياريت أقدر
لمتابعة المزيد من أعمال عادل أبو نسله بــ موقع أوراق عربية – قصائد عامية
لمتابعة المزيد من الأعمال بـ موقع أوراق عربية علي فيسبوك
استمر ♥
تحفه اقسم بالله 💚
تحفه اوووي. برااافو جدا ♥
شكرا لك واحد كتب كلمة حلوة 💚
تعليقاتكم بتفرحنى والله✋ ربنا يجبر بخاطركم يا رب🌺🌺🌺💚
جميلة جدا ي ابو نسلا … ربنا يوفقك يارب 😍
الله عليك تسلم والله
شكرا لذوقكم ودعمكم الاستثنائى🌺🌺💚
جميل ي ابو نسلة والله
أقسم بالله تحفة
إستمر ربنا يوفقك 😍😍
جميل ما شاء الله عليك
تسلم يا مستشار😍😍🌺
ربنا يعزك يا حودة يا حبيبى 💚✋
القصيدة دى تتبروز و الله يابو نسلة
استمر
يالله اي الجمال ده كله ياعادل جميله جدااااااااااااااا ربنا يوفقك ويكرمك وتبقي كاتب كبير ومشهور جدااااااا يارب استمر ياعادل
أقسم بالله موهوب وليك مستقبل❤❤
thanks to all
ياريت كلنا نقدر يا أبو نسلة😍😍
عظمة والله😍
رووووووعه 🥰😍😍😍
جميل جدااا 🥰
شكرا لآرائكم المحترمة ودعمكم الإستثنائى
مؤثرة وجميلة يأبو نسله
و الله حلوة جدا
جميله ماشاء الله ربنا يوفقك يارب😍
تسلمى
و شكرا لحضرتك
إشتقناااا💚