منتدي أوراق عربيةمنتدي شعر العامية

أمين نبيل لموقع أوراق عربية …… مكتوب على كفي – قصيدة عامية

أمين نبيل لـ موقع أوراق عربية …… مكتوب على كفي – قصائد عامية

مكتوب على كفي لقا
مكتوب على كفك رحيل
ما بين حدود الأمنيات
كنتي الخطاوي كلها
وأنا قلبي كان شط ودليل

مين اللي سارق طرحتك
مين اللي وخدك لليالي المبهمة
و عينيكي ليه
مليانه دائما أسئلة
واجابة واحدة
متهم

مين اللي ظالم
مش أانا
ولا حد جاني في وحدتي غير الدموع
أنا كل ليل
بسهر أعاند في الصور
أرسم بدخان السجائر
شموس كتير

وأتحدي بيكي الأسئلة
تخدني عيني للسما
ألمح هناك
قمر حزين
ونجوم مخاصمة بعضها

فجأة  أرتعش
لما الرزاز
في الفجر يلمس جتتي
وكتير بخاف
أتخيلك

لمة و وطن
من تاني أرجع أنتظر
علي باب قبرك المقفول
كتير حكاوي
وأنا فيكي غنوه قصيرة
ضلا الطريق

ملهاش نَفس
يا رسماني
ديما خطوط
ما طالتشي مرة بعضها
في فنجانك
قراتيني
وأنا اللي شبعان
م القراءة والحروف

أخاف أبوح
واناديكي
قومي افتحي وحشتيني
ليه لما أقرب تبعدي
وتوهيني في السفر
وقت ما تلمي الشراع

يا واهبة الحلم للحيرة
أنا ذاتك
وأنتي خلاصي م الأيام
يا عصرة المر في كاساتك
أنا شارب
وقلبي زرعة الصبار
على اعتابك
فارش حنين
فاتح بيباني كلها
يا دمعة العمر الحزين
إهدي بقي
ودخليني من جديد
أرجع أعيش

 

لمتابعة المزيد من أعمال  أمين  نبيل بـ موقع أوراق عربية – قصائد عامية

لمتابعة المزيد من الأعمال بـ موقع  أوراق عربية علي فيسبوك

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق