منتدي أوراق عربيةمنتدي شعر العامية

مصطفي جمعه الشيشي لموقع أوراق عربية ….. يارب – قصيدة عامية

سحبت نفسك م الصحاب بشويش
قالوا ما تقعد قلت نفس مليش
وهروح اصلي ركعتين لله
يمكن بنورهم يتفتحلي طريق

جواك تعب دعوتك تنساه
فراق حبيب ويا غدر صديق
ومشيت لوحد وسط ضلمه ليل
عشمان يا رب ف رحمتك فارحم

سلمت أمرك واتكلت عليه
يمكن فؤادك م الوجع يسلم
لاجئ إليك ف السجده بالدعوات
راجع إليك ف الدعوة بالتوبة

اغفرلي ذنب فات لكنه ما مات
يسرلي أمري ف حاجه مكتوبة
وأنا صوتي عالي ليس شك ف سمع
لكن يارب أنا مريض بالهم

وإن كان ف شرط المغفره أبكي
ف هتبكي عيني بدل الدموع الدم
أنا عاصي جدا بس متدين

وف سيرتي شيخ لكن ما قمت صلاه
وقالوا أنه الذنب مش هين
لكني عبد ورجعته لمولاه

عمري ما أبات غالب
لازم أبات مغلوب
خايف إن غلبت ف يوم
ملحقش بكره أتوب

صح الصحيح يارب
وزهقت م الباطل
راحوا البشر كلهم
بس الإله فاضل

 لمتابعة المزيد من كتابات مصطفي جمعه الشيشي / موقع أوراق عربية ، قصائد عامية

 لمتابعتنا موقع أوراق عربية علي فيسبوك # قصائد عامية  

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق