منتدي أوراق عربية

لو كنتي معايا …. أمين نبيل لموقع أوراق عربية – قصائد عامية

لو كنتي معايا …. أمين نبيل لـ موقع أوراق عربية – قصائد عامية

لو كنتي معايا
كنت ما سبتش لحظة ايديكي
اسهر ابص في ضي عينيكي
وأما تنامي
اقعد حارس
تبقى اميرتي ابقى الفارس
تبقى مدينتي اقرأ سطورك
أفك رموزك
وفي محرابك ناسك دارس
ناسك يعبد آية خلقك
احمي حماكي
اسند ضهرك
من حسادك .. اهلك .. ناسك
واتحدا عشانك احزانك
امشي في دربك
وأما ليالي الدنيا تاخدني
تبقى في حضني
أبقى في حضنك
عاشق دايب
لو كنتي معايا
كنت اكيد هرتاح من همي
واشيل عنك ألمك غمك
وأما تبوس البسمه شفايفك
يرقص قلبي
روحى تغني
ياللي هواكي غصب عني
مالك فيا كل مشاعري
انتي اللي وهبتك احلامي
وحروف شعري
لو كنتي معايا
كنت اكيد راح اسابق زماني
اصلك حلمي وفرحي وأملي
كنت هجيب منك بنوته
تشبه روحك
تشبه شكلك
عودك .. رسمك
كنت اسميها على اسمك
واملك بيكم كل الكون
كنت هعيش وياكي جنون
تبقى اللحظة بألفين لون
يطغى عليهم لون لملامحك
تشرق كل شموس الكون
ياللي بحبك عشت سنين
مغرم وبعشقك مفتون

لمتابعة المزيد من أعمال  أمين نبيل  بـ موقع أوراق عربية – قصائد عامية

لمتابعة المزيد من الأعمال بـ موقع  أوراق عربية علي فيسبوك 

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق