منتدي أوراق عربيةمنتدي شعر العامية

أمين نبيل لموقع أوراق عربية ….. دلوقتي ليه بترفضي – قصيدة عامية

أمين نبيل لـ موقع أوراق عربية ….. دلوقتي ليه بترفضي – قصائد عامية

بتوحشيني
بس بصحيح انا بوحشك
بتحسي بيا في البعاد
وله خلاص
انا قصه خلصت وانتهت
في قلب تاه وسط الزحام
وقلب واقف مترحه
انا بسالك
لكني مش عايز جواب
عرفك حبيبتي بتهربي
وتقطعي كل اللي بيننا
من وصال
ياااااااه
بعشقك
رغم قسوتك يا حبيبتي برسمك
اجمل مدينة دخلتها
وعشت فيها احلام كتير
صدقتها
اتسرسبت
من بين عنيكي دمعتين
دمعة وداع
دمعة حنين
يا ضحكت القلب الحزين
يا عاشقة جوايا الانين
دلوقتي ليه ترفضي
من تاني ارجع ادخلك
وسيبه نفسك للحرس
خوفك
علي السور اللي بيننا حطيتيه
سبتي لجامه انطلق
خلاني ارجع انسجن
ما بين حروفي اصرخ
صرخة حياة
هتلحقيني بالنجاه
وله انتي عقدك انفرت
حبات دموع عا اللي اتوجع
بيني وبينك اشتياق
يا حلم موصوف للفراق
موال آلم
ما أطعمك
لما انطقك
حرفين نداء
يااااااااه
يا غربتك
جهزتي نفسك للسفر
خدتي اللي باقي من انيني
في شنطتك
وله نستيه
قلبى عليكى اتفطم
هتصدقيه
ماهو ياما قالك ع اللى فيا
واللي فيه
بس انتي رديتي البيبان
من غير ما حتي تساليه
ولا حتي جبت له الكفن

 

لمتابعة المزيد من أعمال  أمين  نبيل بـ موقع أوراق عربية – قصائد عامية

لمتابعة المزيد من الأعمال بـ موقع  أوراق عربية علي فيسبوك 

 

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق