منتدي أوراق عربيةمنتدي شعر العامية

مصطفي جمعه وعادل أبو نسلة ….حديث الصباح والمساء – قصيدة مشتركة

حديث الصباح 

يا صباح الخير
إحنا اللي عملنا الحزن عصير
وعملنا الفرحه حساب فيسبوك
ولا عادش معانا فلوس ولا بوك
متخرج من تعليم عالي
بشبه للانسان الآلي
واحتياجاتي سعرها غالي
وانا وحدي بدون شغلانه رخيص
معروض للبيع والعرض لحد الآن ساري
قفص مانجا وشبعان تفعيص
ومحدش وازن ولا شاري
أنا مش عصبي ومش متمرد
أنا مش اخواني ومش ثائر
ونظام الدوله عقيده ودين
بس أنا كافر
ادعيلي أخف بدون جلسات
كهربه او ضرب
وادعيلي وقول اغفرله يارب
وان ضحكوا علي دعوه لكافر
ادعيلي كمان اوعي يهمك
ف بلدنا الملحد والمثلي
عند ربنا احسن منك

والمساء 

يا مساء الخير والنور والحب
إحنا إلى عملنا الحزن مطب
وعدينا عليه بضحكتنا
ولبسنا النكتة فى رجلينا
وفضلنا ندوس
إحنا إلى معادش معانا فلوس
ومع ذلك لسه بنتفائل
وندارى الغلب

إحنا الأوغاد وولاد الكلب
إحنا اللي رسمنا الوحده طريق
وف عز التوبه عملنا الذنب
أنا اصلي يا ريس متريس
ومتيس جدا ومبوذ
أنا رمز الفقر ورمز القهر
وبلادي بلاد الخير والنهر
وبلاد ف شبابها ذل وعار
من مصر لمصر يا قلبي لا تحزن
ف الآخر كلها أمصار

 للمزيد من الأعمال  علي موقع أوراق عربية  / قصائد عامية 

 لمتابعتنا موقع أوراق عربية # قصائد عامية  علي فيسبوك 

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق