منتدي أوراق عربيةمنتدي شعر العامية

هند محسن لموقع أوراق عربية …. الهامش

والخوف
أصدق يكون يارب بين إتنين
يتبادلوا شئ بالعين والقلب شئ خايف
وأنا زيه.

وبخاف عينيه لو مرة تهتدي لعيني
ويشوف كمان نفسه على طرف بيت الشوق
وإزاي ما بينا الغيرة إيه؟!

غير ليل خجول
بتدب فيه الشمس وتحاوطه
وإزاي أحاوطه وأنا ما امتلكش دراع !..
عجوز زيي يا بن توب أيوب

وسنانها خُضرّ مكسورة م المسافات
يُخنقها ضيق من شَعّرها جهراً تخاف
فتشد ليلها لحاف تلقي الببان ع الرف
وأغاني ع الشبابيك .

وضفيرة من طولها تتدلي ع الشارع
والصنعة كل الشوف علي كفها خطين
نِزلت تدوق الأرض لو مرة تمشيها.
الجوع لسعة وأربع صوابع حمد
وأنت يجوز بالفرض لو دوقته جوع أشبع
أرقص وأقول لله ..

واربط شفايفي فـ لُقمة وابلعهم
تقوم عدودة من جلدي وتندب حظ
فـ ليل أسمر
وجوز جناحات

ودقيق بيغطي كل الروح م يستعلاش
يحضن فـ طرفي التلج ويغني علي كعبي
يعقد ضهورنا فـ بعض
ونقول غلابة يارب ..

يتحركت الليل اللي فاضل
ويشم عين النور ..
فـ أعود علي كد جسمي وانحني
عجوز زيي يا بن توب أيوب
وسنانها خُضرّ مكسورة م المسافات !..

 

 للمزيد من الأعمال  علي موقع أوراق عربية  / قصائد عامية 

 لمتابعتنا  # قصائد عامية  / موقع أوراق عربية علي فيسبوك 

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق