منتدي أوراق عربيةمنتدي شعر العامية

مصطفي جمعة لموقع أوراق عربية …إرهابي الـ 5 جنيه

يا سعادة البيه
من غير إزاي أو فين أو ليه
من غير في إيه او حتى مفيش
من غير ضرب وسب وتفتيش
أنا عاوز أعيش

طلباتك أي أأمر يبني

والله مفيش عاوز اَبني
وأعمل بيت وحياه وعيله
معلش سامحني
لو كانت طلباتي تقيله

إزاي يبني ده إنتوا ولادنا
أمل البلاد ده إنتوا سندنا
كمل يبني

والله يا بيه انا يا سعادتك
خايف افرح خايف اضحك
وف نَص ف الدستور بيقول
إضحك تبكي أبكى تبكي
قام قالي ضميري بصوت مسموع
إن كان البكا من ضهر الضحك
يساوي دموع من ضهر دموع
فأنا رأيي نعيط ولا نضحك
ونخلي دموعنا بنت أصول

بصلي البيه وعنيه م الغيظ بتطق شرار
انتوا الأوغاد حفنه أشرار
انت المتذاكي المتغابي
إكتب عندك

قررنا حبس الإرهابي
والقبض على باقي التنظيم
يتراقب من حالا بيته
يتراقب أصله وتربيته
ونشوف بقى مين مستنيه

والله بريئ يا سعاده البيه
انا مش إرهابي ولا شيوعي
انا اللي سرقت الخمسه جنيه

 لمتابعة المزيد من كتابات مصطفي جمعه الشيشي / موقع أوراق عربية ، قصائد عامية

 لمتابعتنا موقع أوراق عربية ، قصائد عامية علي فيسبوك 

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق