منتدي أوراق عربيةمنتدي شعر العامية

شيماء أبو بكر لموقع أوراق عربية …. بنساكي – قصيدة عامية

شيماء أبو بكر لـ موقع أوراق عربية …. بنساكي – قصيدة عامية

بنساكى بيهم كلهم
وبنسى كلهم بيكى…
لا حبيتك ولا عرفت
الحب بعديكى

بقول حابك
و ألاقى روحى تعاديكى
وأحارب نفسى فى بعادك

أشوف الناس بعين رحمه
ووحدك أنتى بأذيكى
لا أنا عارف بحبك ليه
ولا إيه بكرهوا فيكى

بكدب لو قلت
تفرقى معايا…
محدش غيرى يفرقلى…
مكنتش بقصد القسوه

ولا ليكى عندى حنيه
روحى ساكنها جنيه
لا عارف منك أتقرب
ولا لك برضوا شئ فيا

والكل أسمهم نزوه
يمكن تكونى أقربهم
فيكى من كلهم أشياء
فعنيكى …..
بقتل رغبه المشتاق.

مين تكونى انتى
عشان تبقى  لي

راحه البال … ونس رحال … طريق ووصال

أنا اللى قلبه مشى معاه بالأمر
أقوله حب فلانه
أو أسقى فلانه المر
الكل ف قيودى

وانا الأسير الحر
أوصف لغيرى الدوا
وعلاجى مش ليا

مين تكونى انتى
يأ أهدى من كلهم ف الطبع
وأحلى من كلهم ف الروح
ياصوت دنيتى الحلوه
ومددى من غير بوح

ياسنين أمان فى العمر
ياشهد حلى المر

أوقات كتير بتمر
جمبك لكنى بعيد
عايزك لكنى عنيد
نقصانى فى حياتى
الكامله ف عنيا
بس انتى مش هيا

انا أسف ..على قلبك.. على بكاكى
على الأوجاع ..على خوفهم
على خوفك..
على خوفى بأنى أتباع
ف بعت الكل وياكى

وادينى دلوقتى قدامك
بنساكى بيكي كلهم
وبنسى كلهم بيكى
لا عرفت أحبهم زيك

لا زيك حد بعديكى..

 للمزيد من الأعمال  علي موقع أوراق عربية  / قصائد عامية 

 لمتابعتنا موقع أوراق عربية  # قصائد عامية علي فيسبوك 

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق