مصطفي جمعة الشيشي يكتب لأوراق عربية …. سلم آداب
مصطفي جمعة الشيشي يكتب لـ أوراق عربية …. سلم آداب
بنت ماليه الدنيا فرحه
حياتي من غيرها إكتئاب
عن كسوفها لما تمشي
حاضنة بإديها الكتاب
عن براءه بنت حلوه
واقفه علي سلم آداب
عن جمالها وهي اصلا
احلي واحده بالحجاب
لو هتتنقب كفايه
بس نظره من النقاب
عادي يعني هشد حيلي
لو تسيبي إنتساب
لو حضرتي عادي هحضر
غبتي هبقي في الغياب
هتلاقيني في كل حته
جاي بخبط كل باب
اسمحيلي تبقي ليا
كل حاجه حلوه فيا
حبيبتي وام العيال
واسمحيلي ابقي منك
ابقي ابو بنتك وابنك
وابقي شمسك وابقي ضلك
وابقي أخر شئ فاضللك
لو في يوم الكون يسيبك
اسمحيلي اكون حبيبك
قسمتك قدرك نصيبك
تبقي فيا وضع يد
وابقي فيكي احتلال
طب هقولك حاجه مثلا
ابتسامتك احلي منك
وانتي اجمل م الجمال
قلبي مدمن نظره منك
وانتي ادمانك حلال
فيكي من حوا الامومه
فيكي من آسيا الايمان
فيكي من كليوبترا قوه
فيكي من إيزيس حنان
لمتابعة المزيد من كتابات مصطفي جمعه الشيشي / موقع أوراق عربية ، قصائد عامية
لمتابعتنا – موقع أوراق عربية علي فيسبوك
