انت نازل محمد محمود ……. ليــــــــــه ؟؟

 الجميع يعلم ان موعد ذكري محمد محمود قد اقترب موعدها واوضحت الرؤية ان عدد كبييير من الشعب المصري سيذهب الي محمد محمود ولكن اختلفت اغراضهم … والسؤال الذي يفرض نفسه انت نازل محمد محمود ليه؟؟ نازل تساند الاخوان وترجع الارهاب ، ولا نازل ترفع صور الفريق السيسي وتحتفل بعيد ميلاده ، نازل تطالب بحكم عسكري ؟ ولانازل تهتف ضد العسكر ؟ المتوقع ان بعض الناس هتقول نازلين نرجع حق الشهداء ..

…. مين الشهداء من وجهه نظرك ؟ اللي ماتوا تحت الدبابة ولا اللي ماتوا داخل الدبابة ؟ ولما يكون الجيش والشرطة كمان عندهم شهداء يبقي من حق الجيش والشرطة ينزلوا محمد محمود ويطالبوا بحق شهدائهم .

….. اري ان كلمه حق الشهداء هي متاجرة بدمائهم ليس اكثر ولا اقل ، نازل تحتفل بالدم اللي سال ولا نازل تحكي الموال ، ويفيد بايه الحكي اذا كان اللي بيسمعك موجوع ، لما كان محمد محمود ايد واحده وهدف واحد سقط العديد والعديد من الشهداء ، اخبرني عندما تسمع اليوم عن نزول انصار مبارك ، انصار مرسي ، انصار السيسي ، انصار الداخلية، انصار الجيش ، المعارضة ، اهالي الشهداء تفتكر انت كدا نازل ترجع حق شهيد ولا نازل حفلة تنكرية ؟

 بقلم – عـــــــــــــزة رخــــــا / أوراق عربية