محدش عاد ع طرف البلد يستنى
ولا تعملى حسابى ف العشا يا اما
وفى مكانى …ابقى اكتبى
ابنى الغالى
وبأذن العالى مسيره الجنه
واكتبى كمان
ابنى كان
ما بيحلمش بالجنازه الحربيه
ولا يحضر دفنته م الرتب ميه
ابنى كان همه البندقيه
وراحت روحه تمنها
واكتبى كمان يا اما
انى كنت مصرى
ولجل كونى
بكوا عيون اللى حبونى
ايه ذنبها فى احزانها
اكتبى كمان وكمان
انى عندى كتير كلام
لكن مضطر اقول سلام
وبأذن المولى لوقانا ف الجنة
محمد البغدادي_خاص لاوراق عربية
متابعينا علي فيسبوك
