مجتمع أوراق عربيةمنتدي أوراق عربيةمواهب علي الطريق

احنا شعب اصيل….بقلم ياسمين عفيفي ــ خاص لأوراق عربية

احنا شعب اصيل

ايوه شعب طيب واصيل

قلبه ابيض والدليل

اعزم على اللى جمبى بأى حاجه

حتى لو تمرايه او منديـل

لو شفت حد مجروح اخفف عنه

حتى لو قلبى مجروح وعليل

حضنى نهر حنان طيب عذب سلسبيل

لو حد عاوز يعدى الطريق

امسك ايده فى ايدى وابتسم بوش جميل

احنا شعب اصيل

ايوه شعب اصيل والدليل

جارى اللى جمبى بناديله فى نص الليل

لو حد عاوز مساعده

اسيبه وامشى ؟ لا مستحيل

اقف وساعده بكل ما املك

اصل ده واجبى ومافيش بديل

لو ماشى فى شارع وشفت ورقه

على طول بلاقى نفسى اوطى واشيل

احنا شعب اصيل

ايوه شعب اصيل

شفت حد غيرنا بيعزم على اخر لقمه معاه؟

ولا حد غيرنا بيدندن فى محطة القطر وهو بيستناه ؟

ولا حد غيرنا فى عز الزحمه بينكت

علشان يعدى زهقه بدل ما ينفخ ويقول آآآه ؟

ولا حد فى ازمه يدعى لنفسه ويدعيلك وياه ؟

ولا حد غيرنا يطمنك ويهديك والخوف جواه ؟

ولا حد غيرنا يتمنى لك الخير اكتر ما لنفسه بيتمناه ؟

احنا شعب اصيل

ايوه شعب اصيل

فى محنه ؟ .. اه فى محنه

لكن لسه حياتنا بسيطه وسهله

لسه الحب جوانا وبسمتنا احلى

رضا وحمد وتفائل اصلها مش مستاهله

عارفين من جوانا ان بكره شمسه طالعه

لاننا شعب اصيــــــــــــل

متابعينا علي فيسبوك
اضغط لتقييم المقال
نشكرك للتقييم ، رأيك يهمنا :)

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق