منتدي أوراق عربيةمنتدي شعر العامية

” ظلمتك ياقلبي ” – مصطفي جمعة الشيشي لموقع أوراق عربية

 

ظلمتك يا قلبي ف كام الف مره
وكام مره قولت كفايه حكايات
ظلمتك ف حب وهجر وأغاني
ف فرقه وخيانه ووجع البنات
عملتك مدينه شوراع بيوت
اعيش ليله حلوه واسيبك تموت
وتسكن فلانه بضحكه وهزار
وتترك وراها ألم وانهيار
ظلمتك ياقلبي بسوء اختيار
وعدت ليالي ونهار جاب نهار
وجات تاني واحده ف ليل كان طويل
يجوز تبقى فرحه ونعم البديل
يجوز تبقى مثلا دوا من طبيب
وكانت علاقه آخرها اندهاش
حضرنا فرحها وفرحنا مجاش
ظلمتك يا قلبي الغريب الكئيب
ظلمتك يا قلبي وقولت النصيب
لكن م النهارده قاطعنا البنات
مفيش بنت حلوه مفيش غمازات
تعالا هننسي اللي جاي واللي فات
ثواني راجعلك هكلم آيات

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق
إغلاق